أعرب الفنان محمود عزب عن سعادته بمشاركته في فيلم "سيكو سيكو"، مؤكدًا أن ترشيحه للدور جاء من خلال المخرج عمر المهندس، الذي رأى فيه الأنسب لتجسيد شخصية بعينها، على غرار ما حدث مع المخرج تامر محسن في مسلسل "قلبي ومفتاحه".

سر اختار محمود عزب لـ سيكو سيكو 

وأوضح محمود عزب في ‏لقاء خاص مع الإعلامية شيرين سليمان برنامج سبوت لايت، المذاع على قناة صدى البلد، قائلًا: “الأستاذ عمر المهندس هو اللي اختارني للدور، لقى فيه دور كده وقال: أديه لعزب، وقال لي: تعالى خد الدور مش هتضحك، والحقيقة اتبسطت جدًا، لأن الموضوع مش بس إني أضحك، لكن أنا وسط شباب موهوبين زي عصام عمر وطه الدسوقي، ممثلين حقيقيين وكوميديانات بيرجعونا للكوميديا اللي فاتت، مش بس هزار وتهريج”.

وتابع محمود عزب، قائلًا: “أنا كوميديان، ولو اتعرضت عليا حاجة كوميديا دلوقتي هعملها وهبقى سعيد جدًا، رغم إني أثبت نفسي في مناطق تانية، بس دي منطقتي الأصلية”.

تفاصيل دور محمود عزب في سيكو سيكو 

وعن دوره بفيلم "سيكو سيكو"، أوضح محمود عزب، قائلًا: “أنا عامل مشهد بسيط جدًا، بقابل الولاد، وبقابلهم كويس، وبعدين أموت.. ضربة رصاصة كده وخلاص”.

وأكد محمود عزب أن الفيلم يحمل طابعًا كوميديًا محترمًا، مضيفًا: “هما بيقدموا الكوميديا بأصولها، مش هزار وتريقة وخلاص، الكوميديا الحقيقية هي إنك تعمل حالة تمثيلية، ومن الموقف ييجي الضحك”.

تفاصيل مشاركة محمود عزب في قلبي ومفتاحه 

كما تحدث محمود عزب، عن مشاركته في مسلسل قلبي ومفتاحه، مؤديًا شخصية “عم نصر” بائع الطعمية، قائلًا: “في ناس كانت بتقول لي إن الشاشة كانت بتطلع ريحة الطعمية، دخلت البيوت فعلًا، عم نصر شخصية بسيطة وطيبة ومكتوبة بشكل جميل جدًا، ودي دراما مشرفة كتبها الأستاذة مها الوزير، وأخرجها تامر محسن الشاطر جدًا".