أثار الفنان محمد رمضان جدلا واسعا بعدما طرح منذ قليل أحدث أغنياته بعنوان “بحب أغيظهم” عبر قناته الرسمية على يوتيوب.

تفاصيل أغنية بحب أغيظهم

وجاءت أغنية بحب أغيظهم غناء محمد رمضان، كلمات حازم إكس، وألحان وتوزيع نادر حمدي.

كلمات أغنية «بحب أغيظهم»

كل دي تلامذة طالعه من فصلي..بتقلدني بس أنا الأصلي

عقدة الخواجة فكها المصري..غالية عليكوا بس ترخصلي

ظهرت نامو ريحوا..حبوا يحلوا ملحوا

لو حد عقله سوحه..من ع الخريطه همسحه

دول يضايقوا..ودول يضايقوا

عادي ما يضايقوا..بحب أغيظهم

ما أنا فارسهم..تاعبهم

في سلامتهم..كومبارسات نكشوا الوحش

فـ إزاي عليهم مقلقش..جم يعملوا لقطة مجتش

بلالين والله متخافش..شوفلك مسند

أسند ضهرك كان غير اجمد..عندي الأجدد

فـ بحلها كل اما تعقد..بطلت أعمل جدعنة وعملت وديعة في البنك

فولت التنك..مديت وسبقت

كملت طريقي موقفتش ثانية مشوفتش حد..ولا اتنين ولا سبت

بتكلم جد..نفسه قصير

براحة عليه لسة صغير..شكله بينهج

عيني مش شايفاه عمال أدور..صوته مش طالع

أنا مش سامع..جيت قام راجع

حزب الحاقدين انضم..جابوا سيرتي وحفظوها صم

كلها على قد القد..و تمام على ما يرام

ولا يشغلني ولا يقلقني..أنا أطربقها بإشارة مني

لما تجيبني ابقي قابلني..روح كلم طنط تكلمني

محمد رمضان بإطلالة غريبة في مهرجان كوتشيلا 

سبق، أثار محمد رمضان الجدل بسبب إطلالته الجريئة والمختلفة في مهرجان «كوتشيلا» إذ تعمد الظهور بشكل مختلف، وتصدر «التريند» ومؤشرات البحث في مختلف مواقع البحث.

أحدث حفلات محمد رمضان 

ويذكر ان محمد رمضان يستعد لإحياء حفله الثاني ضمن فعاليات مهرجان كوتشيلا وذلك يوم الأحد المقبل في تمام الساعة السادسة مساء بتوقيت كاليفورنيا.